Amerikaning bir qancha mintaqaviy banklari bankrot bo‘lishi va Shveysariyaning ikkinchi yirik banki Credit Suisse qulashi ortidan bozordagi og‘ir vaziyatga qaramay, yilning dastlabki uch oyida AQSHdagi banklarning asosiy moliyaviy ko‘rsatkichlari tahlilchilar prognozlaridan oshib ketdi. Bu haqda “Kommersant” xabar berdi.
JPMorgan Chase, Citigroup va Wells Fargo AQSHning eng yaxshi beshlik banklari orasida mos ravishda birinchi, uchinchi va to‘rtinchi o‘rinlarni egallaydi.
Ma’lumotlarga ko‘ra, JPMorgan daromadi har chorakda 52 foizga o‘sib, 12,6 milliard dollarni yoki har bir aksiya uchun 4,1 dollarni tashkil etdi.
Foydasi esa 25 foizga oshib, 38,3 milliard dollarni tashkil etdi, bu bank uchun rekord daraja.
FactSet tomonidan so‘ralgan tahlilchilar daromadni 36,1 milliard dollar va har bir aksiya uchun 3,41 dollarni tashkil etishini prognoz qilishgan.
Citigroup’ning birinchi chorakdagi sof foydasi 4,6 milliard dollarni (7 foizga o‘sish) yoki har bir aksiyasi 2,19 dollarni tashkil etdi. Daromadi esa 21,4 milliard dollarni tashkil etib, bu chorakda 12 foizga o‘sdi.
Refinitiv tomonidan so‘ralgan tahlilchilar bankni 4,3 milliard dollar foyda va qariyb 19,99 milliard dollar daromad olishini kutishgan.
AQSHning to‘rtinchi yirik banki Wells Fargo birinchi chorakdagi foydasi 32 foizga oshib, 4,99 milliard dollarga yoki har bir aksiya uchun 1,23 dollarga yetganini xabar qildi. Bank daromadi 17 foizga o‘sib, 20,73 milliard dollarni tashkil etdi.
Avvalroq AQSH banklarining kreditlari 105 mlrd dollarga kamaygani haqida xabar berilgandi.
Izoh (0)