Joriy yilning mart oyida O‘zbekistondagi bojxona to‘lovlari bo‘yicha tushumlari haqida ma’lumot berildi. Bu haqda “Daryo”ga Iqtisodiy tadqiqotlar va islohotlar markazi xabar berdi.
Tahlil qilinayotgan davr uchun bojxona to‘lovlari bo‘yicha tushumlar 2022-yilning shu davriga nisbatan 22,3 foizga oshdi.
Bojxona tushumlarining eng katta o‘sishi Surxondaryo (35,1 foiz), Jizzax (33,7 foiz), Samarqand (32,8 foiz), Toshkent (29,1 foiz) va Farg‘ona (23 foiz) viloyatlarida, Qoraqalpog‘iston (39,8 foiz) va Toshkent (39,4 foiz) shahrida kuzatildi.
Bojxona tushumlarining o‘sishi asosan tovar turlari bo‘yicha import hajmining o‘tgan yilning shu davriga nisbatan qariyb 26 foizga oshgani, shu jumladan, transport uskunalari va uning butlovchi qismlari, texnik asbob-uskunalar, elektrotexnika va uning butlovchi qismlari, shuningdek, oziq-ovqat mahsulotlari bilan bog‘liq.
Joriy yilning 1-yanvaridan 31-martigacha bo‘lgan davrda tijorat banklari tomonidan berilgan kreditlar hajmi o‘tgan yilning shu davriga nisbatan 27,8 foizga oshdi.
Kreditlar berish hajmi Jizzax (114,6 foiz), Navoiy (69,8 foiz) Xorazm (57 foiz), Sirdaryo (47,5 foiz), Qashqadaryo (40,3 foiz) viloyatlarida va Toshkent shahrida (35,7 foiz) sezilarli darajada o‘sish qayd etildi.
Avvalroq bojxona bojidan ozod qilingan mahsulotlarning narxi arzonlashayotgani haqida xabar berilgandi.
Izoh (0)