Markaziy bank 2023-yilning 3 oyida aholiga ajratilgan ipoteka kreditlari bo‘yicha ma’lumot berdi.
Ma’lumotlarga ko‘ra, joriy yilning yanvar—mart oylarida 15,1 mingdan ortiq aholiga 3,2 trln so‘mlik ipoteka krediti ajratilgan.
Yil boshidan beri eng ko‘p ipoteka kreditlari berilgan hududlar orasida Toshkent shahri yetakchilik qilmoqda — 1,02 trln so‘m.
Ikkinchi o‘rinni Toshkent viloyati (297,2 mlrd so‘m) egallagan bo‘lsa, Navoiy viloyati (242,3 mlrd so‘m) uchinchi bo‘ldi.
Ipoteka kreditlarining eng kam miqdori Sirdaryo viloyatiga tegishli — 68,5 mlrd so‘m.
Bundan tashqari, Jizzax (97,4 mlrd so‘m), Qoraqalpog‘iston (131 mlrd so‘m) va Buxoroda (129,9 mlrd so‘m) ham nisbatan kam miqdorda kredit ajratilgan.
Yil boshidan beri ipoteka kreditlarini moliyalashtirish manbalari:
- Moliya vazirligi — 1,6 trln so‘m;
- Bank o‘z mablag‘lari — 1,1 trln so‘m;
- Ipotekani qayta moliyalashtirish manbalari — 521,6 mlrd so‘m.
Avvalroq O‘zbekistonda 2023-yilda ko‘p qavatli uy-joylar qurish 90 mingtaga yetkazilishi haqida xabar berilgandi.
Izoh (0)