Жорий йилнинг март ойида Ўзбекистондаги божхона тўловлари бўйича тушумлари ҳақида маълумот берилди. Бу ҳақда “Дарё”га Иқтисодий тадқиқотлар ва ислоҳотлар маркази хабар берди.

Таҳлил қилинаётган давр учун божхона тўловлари бўйича тушумлар 2022 йилнинг шу даврига нисбатан 22,3 фоизга ошди. 

Божхона тушумларининг энг катта ўсиши Сурхондарё (35,1 фоиз), Жиззах (33,7 фоиз), Самарқанд (32,8 фоиз), Тошкент (29,1 фоиз) ва Фарғона (23 фоиз) вилоятларида, Қорақалпоғистон (39,8 фоиз) ва Тошкент (39,4 фоиз) шаҳрида кузатилди.

Божхона тушумларининг ўсиши асосан товар турлари бўйича импорт ҳажмининг ўтган йилнинг шу даврига нисбатан қарийб 26 фоизга ошгани, шу жумладан, транспорт ускуналари ва унинг бутловчи қисмлари, техник асбоб-ускуналар, электротехника ва унинг бутловчи қисмлари, шунингдек, озиқ-овқат маҳсулотлари билан боғлиқ.

Жорий йилнинг 1 январидан 31 мартигача бўлган даврда тижорат банклари томонидан берилган кредитлар ҳажми ўтган йилнинг шу даврига нисбатан 27,8 фоизга ошди.

Кредитлар бериш ҳажми Жиззах (114,6 фоиз), Навоий (69,8 фоиз) Хоразм (57 фоиз), Сирдарё (47,5 фоиз), Қашқадарё (40,3 фоиз) вилоятларида ва Тошкент шаҳрида (35,7 фоиз) сезиларли даражада ўсиш қайд этилди.

Аввалроқ божхона божидан озод қилинган маҳсулотларнинг нархи арзонлашаётгани ҳақида хабар берилганди.