Farg‘ona viloyati Qo‘shtepa tumanidagi mahallalardan birida yuz bergan janjal oqibatida bir kishi halok bo‘ldi. Bu haqda “Zamon” informatsion dasturida ma’lum qilindi.
Qayd etilishicha, tumanning “Qoraqushchi” mahallasida yashovchi ayollar o‘zaro janjallashib qolgan va holatga erkaklar ham aralashgan. Janjal oqibatida erkaklardan biri pichoqlanib, voqea joyida vafot etgan, yana bir jabrlanuvchi og‘ir ahvolda shifoxonaga yotqizilgan.
Holat IIB boshlig‘i, jinoyat sodir etilgan mahalla ahli va keng jamoatchilik vakillari ishtirokida muhokama etilib, janjalning kelib chiqish sabablari o‘rganildi.
Eslatib o‘tamiz, 2022-yil iyunda ijtimoiy tarmoqlarda Farg‘onada bir nechta shaxs o‘zaro janjallashayotgani aks etgan video tarqalgandi. O‘shanda mashinani do‘kon oldiga qo‘ymaslik bo‘yicha kelib chiqqan janjalga bir necha kishi ham aralashgan.
Shu yilning fevral oxirlarida Qoraqalpog‘istonning Xo‘jayli tumanida yashovchi er sobiq turmush o‘rtog‘ining tanishini pichoqlab, unga tan jarohati yetkazgandi. Yanvar boshida bo‘lsa, Kogon shahrida 2-yanvar kuni ayol mast holda tanishini pichoqlagan edi.
Izoh (0)