Qoraqalpog‘istonning Xo‘jayli tumanida yashovchi er sobiq turmush o‘rtog‘ining tanishini pichoqlab, unga tan jarohati yetkazdi. Bu haqda “Daryo” muxbiri xabar berdi.
Maʼlum qilinishicha, 2023-yilning 17-fevral kuni soat 20:10 larda tumanda yashovchi 56 yoshli fuqaro A.R. o‘zining ajrashgan turmush o‘rtog‘i 53 yoshli A.D.ning uyiga borgan.
Shu uyga mehmonga kelgan A.D.ning singlisi va S.Q.lar (1973-yilda tug‘ilgan erkak) o‘rtasida janjal kelib chiqqan. Janjal oqibatida fuqaro A.R. S.Q.ning qorin sohasiga tan jarohatini yetkazgan va jabrlanuvchi shifoxonaga yotqizilgan.
Hozirgi vaqtda holat yuzasidan jinoyat ishi qo‘zg‘atilgan.
Izoh (0)