Фарғона вилояти Қўштепа туманидаги маҳаллалардан бирида юз берган жанжал оқибатида бир киши ҳалок бўлди. Бу ҳақда “Замон” информацион дастурида маълум қилинди.
Қайд этилишича, туманнинг “Қорақушчи” маҳалласида яшовчи аёллар ўзаро жанжаллашиб қолган ва ҳолатга эркаклар ҳам аралашган. Жанжал оқибатида эркаклардан бири пичоқланиб, воқеа жойида вафот этган, яна бир жабрланувчи оғир аҳволда шифохонага ётқизилган.
Ҳолат ИИБ бошлиғи, жиноят содир этилган маҳалла аҳли ва кенг жамоатчилик вакиллари иштирокида муҳокама этилиб, жанжалнинг келиб чиқиш сабаблари ўрганилди.
Эслатиб ўтамиз, 2022 йил июнда ижтимоий тармоқларда Фарғонада бир нечта шахс ўзаро жанжаллашаётгани акс этган видео тарқалганди. Ўшанда машинани дўкон олдига қўймаслик бўйича келиб чиққан жанжалга бир неча киши ҳам аралашган.
Шу йилнинг февраль охирларида Қорақалпоғистоннинг Хўжайли туманида яшовчи эр собиқ турмуш ўртоғининг танишини пичоқлаб, унга тан жароҳати етказганди. Январь бошида бўлса, Когон шаҳрида 2 январь куни аёл маст ҳолда танишини пичоқлаган эди.
Изоҳ (0)