Oyoqlarni chalkashtirib o‘tirishni yoqtirasizmi? Javobingiz “ha” bo‘lsa, ehtiyot bo‘lishni tavsiya qilamiz. Bunday o‘tirish sog‘liqqa nechog‘li zarar ekanidan to‘liq xabar topgach, stul yoki divanda o‘tirish uchun yangi pozitsiyani tanlashni xohlab qolishingiz ehtimolda holi emas, deb yozmoqda Marie Claire nashri.
Gap shundaki, oyoqlarini ustma-ust qilib o‘tirish salomatlik bilan bog‘liq jiddiy muammolarga olib kelishi va tananing ko‘p qismlariga ta’sir qilishi mumkin. Tadqiqotlarga ko‘ra, oyoq yuqori qismining tuzilishi o‘zgarishidan tashqari oyoqni chalkashtirib o‘tirish qon quyqalari (tromblar) xavfini oshiradi. Chunki bunday holatda oyoqdagi qon oqimi harakatini boshqa tomonga burishga to‘g‘ri keladi. Bejiz oyoqlarni chalkashtirib o‘tirish qon tomirlarining shikastlanishi bilan bog‘liqligi ajablanarli hol emas.
E’tibor bering, bir oyoqni ikkinchi tizza ustidan oshirgan holda o‘tirish to‘piq qismlarni ustma-ust qilib o‘tirishdan ko‘ra ziyondir. Bunday pozitsiya qon bosimini oshiradi, sababi qon ma’lum joylarda to‘plana boshlaydi.
Ammo bu odat umurtqa pog‘onasiga nihoyatda sezilarli ta’sir ko‘rsatadi. Vaqt o‘tishi bilan skolioz xavfi ortadi, shuningdek, sonning yuqori tashqi yuzasi bilan bog‘liq bo‘lgan og‘riq kuchayadi. Boshning holati tos suyagi ustidagi og‘irlik markazining siljishi tufayli ham o‘zgarishi mumkin. Ham umurtqa pog‘onasi, ham yelkalar noto‘g‘ri holatga o‘tadi va asta-sekinlik bilan tos mushaklarining uzunligi o‘zgaradi.
Muammolar shu bilan tugamaydi. Oyoqni chalishtirib o‘tirish odati nervlarning shikastlanishiga olib keladi, ayniqsa, oyoqda joylashgan peroneal asab siqilganda bu yaqqol namoyon bo‘ladi.
Ammo ayrim hollarda, oyoqlarni chalishtirib o‘tirish bir nechta afzalliklarni beradi. 2016-yilda Milliy tibbiyot kutubxonasi tomonidan o‘tkazilgan tadqiqot shuni ko‘rsatdiki, bir oyog‘i ikkinchisidan uzunroq bo‘lganlar oyoqlarini chalkashtirib o‘tirishlari mumkin.
Nima bo‘lganda ham ozgina noqulaylik paydo bo‘lishi bilan, bu odatdan voz kechgan afzaldir. Yuzaga kelgan noto‘g‘ri holatni bartaraf etish uchun shifokor bilan maslahatlashgach, maxsus jismoniy mashqlar talab etilishi mumkin.
Mavzuga doir:
Izoh (0)