Pista donlari mazali va ulardan tiyilish qiyin. Ko‘plar televizor yonida yoki do‘stlari bilan skameykada o‘tirganda ularni chaqishni yaxshi ko‘radi. Pista hamma uchun foydalimi? Ularni iste’mol qilish taqiqlanganlar bormi? Bu savollarga trener-diyetolog Aleksandra Morozova javob berdi, deb yozmoqda Wday.ru nashri.
“Oshqozon-ichak traktining surunkali kasalliklariga chalinganlar, shuningdek, tish salomatligidan qayg‘uradiganlar uchun tozalanmagan urug‘larni iste’mol qilishni cheklash lozim. Urug‘larni muntazam iste’mol qilish ozishni qiyinlashtiradi, chunki ularda kaloriya juda yuqori. Va, albatta, ularga allergiyasi bo‘lganlar semechkani iste’moldan chiqarib tashlashi kerak”, deya tushuntiradi mutaxassis.
Pista iste’mol qilishning foydasi bormi?
Shubhasiz, ha. Chunki ular hujayra metabolizmiga ijobiy ta’sir ko‘rsatadigan antioksidantlarni o‘z ichiga olgan. Urug‘lar tarkibida B, A, E va D vitaminlari, shuningdek, kaliy, sink, selen, fosfor, temir va mis kabi organizm uchun zarur bo‘lgan mikroelementlar mavjud.
Kungaboqar urug‘lari ichak motorikasini yaxshilaydigan kletchatkaga boy. Biroq me’yorga rioya qilish va tuzsiz xom urug‘lar ni iste’mol qilish lozim.
Kimlar pistadan butunlay voz kechishi kerak?
Ortiqcha vazn bilan kurashayotganlar
Kungaboqar urug‘lari yuqori kaloriyali mahsulotdir. 100 gramm xom urug‘ taxminan 600 kkal, qovurilgani esa 700 kkalga ega. Ularni sarflash uchun bir soat suzish yoki kamida 10 km yurishingiz kerak bo‘ladi. Darvoqe, urug‘lar ishtahani ochadi, shuning uchun ulardan keyin haqiqatan ham ovqatlanishni xohlab qolasiz.
Erta qarishni istamaganlar
Foydali moddalar qovurilmagan urug‘larda mavjud, ammo ko‘pchilik qovurilganini iste’mol qilishni afzal ko‘radi. Qovurish jarayonida ularda glikatsiya mahsulotlari hosil bo‘lib, hujayralarning erta qarishini qo‘zg‘atadi. Qovurilganda urug‘larga tuz va lazzat kuchaytirgichlar qo‘shiladi, ular terining suvsizlanishiga va erta ajin tushishiga olib keladi, shuningdek, hujayra mutatsiyalariga hissa qo‘shadi.
Tish salomatligidan xavotir oladiganlar
Bordi-yu, muntazam ravishda semechka chaqsangiz, tish orasida bo‘shliqlar paydo bo‘ladi. Haddan tashqari ko‘p iste’mol qilganda tish emalida yoriqlar paydo bo‘ladi, ularning ichiga kariyesni keltirib chiqaradigan bakteriyalar kiradi. Doimiy mexanik ta’sir nafaqat emalning shikastlanishiga, balki tishning to‘liq ishdan chiqishiga olib keladi.
Oshqozon-ichak traktiga chalinganlar
Pista donlarida kletchatka mavjud, shu sababli ular shilliq qavatda tirnash xususiyati keltirmasligi uchun oshqozon-ichak kasalliklari kuchayishida iste’mol qilinmagan ma’qul. Bundan tashqari, o‘t yo‘llari va jigar kasalliklari bilan og‘rigan bemorlar ularni ratsiondan chiqarib tashlashi lozim. Chunki uning tarkibida juda ko‘p yog‘ mavjud. Gastrit va oshqozon yarasi bo‘lgan bemorlar uchun ham qarshi ko‘rsatma bor.
Allergiyaga moyil bo‘lganlar
Kungaboqar urug‘lari kuchli allergendir. Allergiyaga chalinganlar uchun, ayniqsa, ta’mni yaxshilash uchun qovurish paytida ularga qo‘shiladigan moddalar xavflidir.
Xom tozalangan urug‘larni oz miqdorda iste’mol qilish organizmni vitamin va minerallar bilan ta’minlaydi. Ammo hamma narsa ham me’yorida yaxshi. Sevimli mahsulotingizdan butunlay voz kechish emas, uni to‘g‘ri iste’mol qilish kerak.
Mavzuga doir:
Izoh (0)