O‘zbekiston Iroqni mag‘lub etib, yoshlar o‘rtasidagi Osiyo Kubogi sohibiga aylandi

Futbol bo‘yicha 20 yoshgacha bo‘lgan o‘yinchilar o‘rtasidagi Osiyo Kubogi—2023 finalida O‘zbekiston yoshlar terma jamoasi 18-mart, shanba kuni Iroqqa qarshi o‘yin o‘tkazdi.

Uchrashuvning 30-daqiqasida Rahmonaliyevning uzatmasidan so‘ng Abbosbek Fayzullayev raqib darvozasini ishg‘ol qildi. Biroq, hakam o‘yindan tashqari holat tufayli golni bekor qildi. Jamoalar tanaffusga durang natija bilan yo‘l oldi. 

Ikkinchi bo‘limda iroqliklar ham jonlandi. 65-daqiqada Abdulqodir Ayyub darvoza tomon zarba berdi. Ammo o‘zbekistonliklar posboni Otabek Boymurodov seyv amalga oshirib, jamoani goldan qutqarib qoldi. 72-daqiqada Abbosbek Fayzullayev ishlagan penaltini Umarali Rahmonaliyev aniq amalga oshirib, hisobni ochdi. 

O‘yinning qolgan daqiqalarida gol urilmadi va O‘zbekiston yoshlari Osiyo Kubogi sohibiga aylandi. 

U-20 Osiyo Kubogi—2023

Final

18-mart, shanba

O‘zbekiston U-20 — Iroq U-20 1:0

Gol: 1:0 — 72 Rahmonaliyev (penalti).

O‘zbekiston U-20: 21. Otabek Boymurodov, 3. Abduqodir Husanov, 6. Jahongir O‘rozov, 8. Behruzbek Asqarov (4. Abubakr Ashurov), 10. Umarali Rahmonaliyev, 13. Zafarmurod Abdirahmatov (2. Po‘latov Izzatillo), 14. Abbosbek Fayzullayev, 15. Diyorbek Ortiqboyev, 20. Mahmudjon Mahamadjonov (18. Saidafzalxon Ahrorov), 22. Sherzod Esanov (17. Nodirbek Abdurazzoqov), 23. Asadbek Jo‘raboyev (7. Po‘latxo‘ja Xoldorxonov). 

Iroq U-20: 22. Hussayn Hassan, 4. Kadim Raad Hotam, 5. Abdul Razzoq Qosim, 6. Adam Tolib, 9. Mustafo Qobil (11. Ashar Ali), 10. Abdulqodir Ayyub, 16. Ali Jassim, 18. Ali Sodiq, 19. Sajjad Muhammad (20. Charbel Shamun), 21. Haydar Abdulkarim (7. Muhammad Jamil).

Ogohlantirishlar: Sajjad Muhammad (33), Jahongir O‘rozov (82).