Futbol bo‘yicha O‘zbekiston Superligasining 3-turida “Paxtakor” 17-mart, juma kuni “Navbahor”ga qarshi bahs olib bordi.
Uchrashuvning ikkinchi daqiqasidayoq Farrux Sayfiyev mezbonlarning dastlabki golini urdi. Bunga Namangan shahri vakillari 23-daqiqada Temurxo‘ja Abduxoliqovning penaltidan urgan goli bilan javob qaytardi.
68-daqiqada Dragan Cheran jarima maydoni ichiga uzatilgan to‘pga boshi bilan zarba berib, “sherlar”ni yana hisobda oldinga olib chiqdi. 80-daqiqada Davron Hoshimov qo‘pol harakati uchun to‘g‘ridan to‘g‘ri qizil kartochkaga loyiq ko‘rildi.
Hakam tomonidan qo‘shib berilgan vaqtda “Navbahor” hisobni tenglashtirishi mumkin edi, biroq Yovan Jokichning penaltidan yo‘llagan zarbasini darvozabon bartaraf etishga erishdi.
Shu tariqa “Paxtakor” ketma-ket ikki mag‘lubiyatdan keyin mavsumdagi ilk g‘alabasini nishonladi. Avvalgi ikki turda g‘alaba qozongan “Navbahor” (6) esa hamon peshqadam bo‘lib turibdi.
Superliga
3-tur bahsi
17-mart, juma
“Paxtakor” – “Navbahor” 2:1
Gollar: 1:0 – 2 Sayfiyev, 1:1 – 23, penalti Abduxoliqov, 2:1 – 68 Cheran.
“Paxtakor”: 35.Sanjar Quvvatov, 3.Hojiakbar Alijonov, 4.Doston Tursunov, 5.Muhammadqodir Hamraliyev, 7.Odil Hamrobekov, 8.Aziz Turg‘unboyev (17.Doston Hamdamov, 85), 10.Dragan Cheran, 27.Sardor Sobirxo‘jayev (15.Giorgi Papava, 90+5), 28.Diyor Xolmatov (19.Pshemislav Banashak, 63), 34.Farrux Sayfiyev, 88.Shahzod Azmiddinov.
“Navbahor”: 1.O‘tkir Yusupov, 5.Milosh Milovich, 7.Oston O‘runov (77.Asadbek Sobirjonov, 73), 8.Jasur Yaxshiboyev (17.Abror Ismoilov, 75), 10.Jamshid Iskandarov (9.Farrux Ikromov, 82), 14.Jamshid Boltaboyev, 21.Temurxo‘ja Abduxoliqov (11.Shohruz Norxonov, 73), 22.Igor Golban, 23.Yovan Jokich, 24.Davron Hoshimov, 31.Luka Chermel.
Ogohlantirishlar: Tursunov (6), Sayfiyev (22), O‘runov (27), Jokich (33), Hamrobekov (39), Chermel (52), Boltaboyev (90+9).
Chetlatish: Hoshimov 80).
Izoh (0)