“Real” va “PSJ” Erling Holand uchun kurash olib bormoqda.
“Manchester Siti” hujumchisining tovon puli 2025-yildan boshlab 200 million yevro bo‘ladi.
Marca nashrining ma’lum qilishicha, “PSJ” Holand uchun 200 million yevro to‘lashga tayyor. Bu esa klubdagi Lionel Messi, Serxio Ramos va Neymarlarning kelajagiga ta’sir qilishi mumkin.
“Real” esa hozirda Kilian Mbappe bilan shartnoma imzolash borasida bosh qotirmoqda va parallel ravishda Erling transferini ham unutgani yo‘q.
Joriy mavsum 22 yoshli hujumchi “Manchester Siti” safida barcha musobaqalarda 36 ta o‘yinda maydonga tushib, 39 ta golga mualliflik qildi.
Izoh (0)