Superliga. “Nasaf” Buxoroda g‘alaba qozondi, “OKMK” safarda “Olimpik”ni taslim etdi

Futbol bo‘yicha O‘zbekiston Superligasining 3-turidan o‘rin olgan ikki o‘yin 17-mart, juma kuni bo‘lib o‘tdi.

“Olimpik” o‘z maydonida “OKMK”ga qarshi bahs olib bordi. Uchrashuvning birinchi bo‘limida hisob ochilmadi. Ikkinchi bo‘lim boshida Siyavash Haqnazariy olmaliqliklarga g‘alaba keltirgan gol muallifiga aylandi.

Ushbu g‘alabadan keyin “OKMK” ochkolarini 6 taga yetkazib olgan holda uchinchi o‘ringa ko‘tarildi. “Olimpiyachilar” 4 ochko bilan 6-pog‘onani egallab turibdi.

Yana bir o‘yin “Buxoro” va “Nasaf” jamoalari o‘rtasida kechdi. O‘yinda hisob 53-daqiqaga kelib ochildi: Husniddin Aliqulov qarshiliklarni oldinga olib chiqdi. Qolgan vaqtda hisob o‘zgarmadi.

“Nasaf” ham ochkolarini 6 taga yetkazib, 5-o‘ringa ko‘tarildi. “Buxoro” hisobida 3 ochko mavjud.

Superliga

3-tur bahslari

17-mart, juma

“Olimpik” – “OKMK” 0:1

Gol: 0:1 – 55 Haqnazariy.

“Olimpik”: 13.Hamidullo Abdunabiyev, 2.Saidazamat Mirsaidov, 4.Odil Abdumajidov, 5.Shahzod Toirov, 6.Behzod Shamsiyev (18.Sardor Mahmudov, 90+3), 23.Abdurauf Bo‘riyev, 21.Muhammadaziz Ibrohimov, 10.Farrux Muxtorov (8.Nodir Abdixoliqov,63), 11.Otabek Jo‘raqo‘ziyev, 37.Alisher Odilov (77.Rustam Azimov, 63), 7.Ruslan Jiyanov.

“OKMK”: 25.Valijon Rahimov, 7.Dilshod Ahmadaliyev, 3.Sardor Rahmonov, 8.Abdulla Abdullayev, 5.Anzur Ismoilov, 29.Vitaliy Denisov (2.Akrom Komilov, 46), 17.Sanjar Tursunov (15.Oybek Rustamov,76), 88.Siavash Xaqnazariy (9.Ruben Sanches,90+1), 11.Irakli Ruhadze (10.Xurshid G‘iyosov,46), 22.Shohrux Gadoyev, 27.Martin Boake (14.Mirjahon Mirahmadov,86).

Ogohlantirishlar: Bo‘riyev (2), Denisov (13), Martin Boake (23), Anzur Ismoilov (50), Mirsaidov (66), Mirahmadov (90+5), Rahimov (90+6), Rahmonov (90+7.)

“Buxoro” – “Nasaf” 0:1

Gol: 0:1 – 53 Aliqulov.

“Buxoro”: 13.Nikola Stoshich, 7.Jasur Azimov, 10.Humoyunmirzo Iminov, 15.Obid Jo‘raboyev, 16.Jasur Hasanov (11.Temur Ismoilov, 57), 17.Jamoliddin Ubaydullayev (9.Aleksandr Kasyan, 74), 22.Ro‘zimboy Ahmedov, 25.Abbos Otaxonov, 27.Ixtiyor Toshpo‘latov, 77.Fayzullo Jumanqo‘ziyev (28.Sohib Muhammadiyev, 88), 80.Farrux Ibragimov (88.Vsevolod Nixayev, 46)

“Nasaf”: 35.Abduvohid Ne’matov, 4.Husniddin Aliqulov, 5.G‘olib G‘aybullayev, 7.Akmal Mozgovoy, 9.Javohir Siddiqov (30.Aziz Xolmurodov, 80), 17.Suhrob Nurulloyev (2.Alibek Davronov, 80), 28.Shuhrat Muhammadiyev, 34.Sherzod Nasrullayev, 77.Oybek Bozorov, 92.Umar Eshmurodov, 99.Aziz Omonov.

Ogohlantirishlar: Azizbek Amonov (9), Jasur Azimov (26).