Футбол бўйича 20 ёшгача бўлган ўйинчилар ўртасидаги Осиё Кубоги—2023 финалида Ўзбекистон ёшлар терма жамоаси 18 март, шанба куни Ироққа қарши ўйин ўтказди.
Учрашувнинг 30-дақиқасида Раҳмоналиевнинг узатмасидан сўнг Аббосбек Файзуллаев рақиб дарвозасини ишғол қилди. Бироқ, ҳакам ўйиндан ташқари ҳолат туфайли голни бекор қилди. Жамоалар танаффусга дуранг натижа билан йўл олди.
Иккинчи бўлимда ироқликлар ҳам жонланди. 65-дақиқада Абдулқодир Айюб дарвоза томон зарба берди. Аммо ўзбекистонликлар посбони Отабек Боймуродов сейв амалга ошириб, жамоани голдан қутқариб қолди. 72-дақиқада Аббосбек Файзуллаев ишлаган пенальтини Умарали Раҳмоналиев аниқ амалга ошириб, ҳисобни очди.
Ўйиннинг қолган дақиқаларида гол урилмади ва Ўзбекистон ёшлари Осиё Кубоги соҳибига айланди.
U-20 Осиё Кубоги—2023
Финал
18 март, шанба
Ўзбекистон U-20 — Ироқ U-20 1:0
Гол: 1:0 — 72 Раҳмоналиев (пенальти).
Ўзбекистон U-20: 21. Отабек Боймуродов, 3. Абдуқодир Ҳусанов, 6. Жаҳонгир Ўрозов, 8. Беҳрузбек Асқаров (4. Абубакр Ашуров), 10. Умарали Раҳмоналиев, 13. Зафармурод Абдираҳматов (2. Пўлатов Иззатилло), 14. Аббосбек Файзуллаев, 15. Диёрбек Ортиқбоев, 20. Маҳмуджон Маҳамаджонов (18. Саидафзалхон Аҳроров), 22. Шерзод Эсанов (17. Нодирбек Абдураззоқов), 23. Асадбек Жўрабоев (7. Пўлатхўжа Холдорхонов).
Ироқ U-20: 22. Ҳуссайн Ҳассан, 4. Кадим Раад Ҳотам, 5. Абдул Раззоқ Қосим, 6. Адам Толиб, 9. Мустафо Қобил (11. Ашар Али), 10. Абдулқодир Айюб, 16. Али Жассим, 18. Али Содиқ, 19. Сажжад Муҳаммад (20. Чарбел Шамун), 21. Ҳайдар Абдулкарим (7. Муҳаммад Жамил).
Огоҳлантиришлар: Сажжад Муҳаммад (33), Жаҳонгир Ўрозов (82).
Изоҳ (0)