Farg‘onada sobiq o‘quvchilar o‘zlari o‘qigan maktab uchun yangi bino qurib berdi. Bu haqda “Daryo” muxbiri xabar bermoqda.
.jpg)
.jpg)
Qayd etilishicha, 16-mart kuni viloyatning Uchko‘prik tumanidagi 39-umumtaʼlim maktabining 220 o‘rinli yangi binosi foydalanishga topshirilgan. Eʼtiborlisi, ushbu yangi bino maktabning sobiq bitiruvchilari tashabbusi bilan bunyod etilgan.
Mazkur maktab binosi 1974-yilda qurilgan bo‘lib, 220 o‘ringa mo‘ljallangan muassasada 438 nafar o‘quvchi ikki navbatda taʼlim olayotgan edi.
Maktabning 1974-yilda qurilgan eski binosi buzilib, uning o‘rnida qisqa muddatda taʼlim maskani uchun 220 o‘rinli yangi o‘quv binosi qad rostladi. Shuningdek, mavjud 220 o‘rinli o‘quv binosi taʼmirlandi.
Bundan tashqari, 6 ta sinf xonasi hamda kompyuter sinfi zamonaviy mebel va zarur o‘quv jihozlari bilan taʼminlandi. Ushbu xayrli ishlarni amalga oshirish uchun 3 milliard so‘mdan ortiq mablag‘ sarflandi.
.jpg)
Yangidan barpo etilgan ushbu taʼlim maskani binosi o‘quvchilar, ularning ota-onalari, ustozlar uchun o‘ziga xos sovg‘a bo‘ldi. Bu yerda o‘quvchilarning zamonaviy bilim olishi uchun barcha sharoit va imkoniyatlar muhayyo etildi.
Yangi bino foydalanishga topshirilishi natijasida maktabda bir vaqtning o‘zida 440 nafar o‘quvchiga taʼlim berish imkoniyati yaratildi.
Izoh (0)