O‘zbekistonda 2023-yilda 57 ta bog‘cha va 24 ta maktab binosi yangidan quriladi

Maktabgacha va maktab ta’limi Hilola Umarova “Vazirga murojaat” portalini ishga tushirish jarayoni to‘g‘risida ma’lumot berdi.

Qayd etilishicha, mart oyining birinchi 10 kunligida portalga 1200 dan ortiq murojaat kelib tushgan. Unga soha xodimlaridan tashqari ota-onalar, jamoatchilik vakillari ham murojaat qilmoqda.

Ayni vaqtda murojaatlarning soni bo‘yicha Toshkent shahri, Qashqadaryo hamda Toshkent viloyati yetakchilik qilmoqda. Murojaatlarning:

• 21 foizdan ortig‘i ta’lim tizimi bo‘yicha takliflar;
• 12 foizi ish haqi, ustamalar;
• 7 foizi malaka toifasi uchun attestatsiya hamda sertifikatsiyalash;
• 9 foizi maktablarning moddiy-texnik bazasi, infratuzilmasini yaxshilash bilan bog‘liq masalalar.

Vazirning ma’lum qilishicha, 2023-yilda O‘zbekistonda:

• 57 ta maktabgacha ta’lim tashkiloti;
• 24 ta maktab;
• 6 ta ixtisoslashtirilgan maktab binolari yangidan quriladi.
• 111 ta maktabgacha ta’lim tashkiloti;
• 206 ta umumta’lim maktablari;
• 3 ta ixtisoslashtirilgan maktablar rekonstruksiya qilinadi;
• 2 ta maktabgacha ta’lim tashkiloti;
• 9 ta maktabning bino va inshootlari mukammal ta’mirlanadi.

“Bu faqat aniq rejalarimiz. Ammo yil davomida bog‘chalardagi tarbiyalanuvchi va maktablardagi o‘quvchi o‘rinlarini yanada ko‘paytirish bo‘yicha qo‘shimcha imkoniyatlar yaratish ustida ishlar davom etmoqda”, — deb yozadi vazir.