Sirdaryoda aka singlisini rezina bilan bo‘g‘ib o‘ldirib qo‘ydi

Sirdaryo tumanida aka o‘z singlisini rezina bilan bo‘g‘ib o‘ldirib qo‘ydi. Bu haqda viloyat ichki ishlar boshqarmasi axborot xizmati xabar berdi. 

Xabarga ko‘ra, holat 10-mart kuni sodir bo‘lgan. Sirdaryo tumani “Zarshunos” mahallasida yashovchi T. ismli yigit singlisi bilan o‘zaro kelisholmay qolib, kuchli stress oqibatida rezina bilan uni bo‘g‘gan. Shu paytda singlisining ahvoli og‘irlashib, vafot etgan. Hozirda holat yuzasidan tergov harakatlari olib borilmoqda.

Maʼlum qilinishicha, Sirdaryo tumani “Intilish” mahallasida mazkur jinoyat muhokamasi bo‘lib o‘tdi. Unda viloyat IIB boshlig‘i, viloyat prokurori birinchi o‘rinbosari, mahalla faollari va keng jamoatchilik vakillari ishtirok etdi.

Avvalroq Toshkent shahri Chilonzor tumanida xotinini bo‘g‘ib o‘ldirgan erkakka sud hukmi o‘qilgani haqida xabar berilgandi.