O‘zbekistonda Rossiya brendlarining franshizasiga talab hamon yuqoriligicha saqlanib qolmoqda. Bu haqda “Franshiza.ru” tadqiqotiga tayanib “Kommersant” xabar berdi.
Portal eksperti Anna Rojdestvenskayaning so‘zlariga ko‘ra, 2023-yilda Rossiyada iqtisodiy vaziyat yomonlashmasa, franshizalarga bo‘lgan talab ko‘p marta ortishi mumkin.
Misol uchun, “Franchiza.ru” so‘rovi shuni ko‘rsatadiki, Rossiya brendlari egalarining 41 foizi franchayzing orqali savdo nuqtalari sonini ko‘paytirishni rejalashtirmoqda.
Rossiya kompaniyalarining franshizalariga qiziqish ko‘p sonli rossiyalik relokantlar ko‘chib o‘tgan mamlakatlarda — BAA, Turkiya va Qozog‘istonda saqlanib qolmoqda.
Shunga qaramay, Anna Rojdestvenskaya O‘zbekiston va Belarusda rus brendlarining franshizasiga yuqori talab saqlanib qolayotganini qayd etadi.
AnderSon kafelar tarmog‘i asoschisi Anastasiya Tatulova MDH va BAAdagi franshizaga qiziqish bildirgan. Rossiyaning Stardogs hot-dog tarmog‘i MDH davlatlaridan birida o‘zining birinchi franchayzing restoranini ochish niyatida.
Biroq Infoline-Analytics bosh direktori Mixail Burmistrov ko‘plab Rossiya kompaniyalarining tashqi bozorlarga moslashmaganiga ishora qiladi. Bu mamlakatlarga rossiyaliklar oqimi bor ekan, talab saqlanib qoladi. Ammo migratsiya oqimi zaiflashganidan keyin Rossiya brendlari mahalliy voqelikka moslashishi kerak, aks holda ularga talab bo‘lmaydi.
Izoh (0)