Yevropada gazning birja narxi 2021-yil 27-iyuldan beri birinchi marta 1 000 kub metr uchun 450 dollardan pastga tushdi. Bu haqda Forbes xabar berdi.
ICE ma’lumotlariga ko‘ra, Niderlandiyadagi TTF ma’lumot markazida savdo paytida, aprel oyida yetkazib berish uchun gaz narxi 1 MVt/soat uchun 40,5 yevroga tushdi.
Toshkent vaqti bilan 10:20 holatiga ko‘ra, gaz 3,753 foizga arzonlashdi va 1 MVt/soat uchun 40,75 yevro narxda sotildi.
Ukrainada urush boshlanishidan oldin, auksionda gaz narxi 1 MVt/soat uchun 72,205 yevroni tashkil qilgan.
Gas Infrastructure Europe ma’lumotlariga ko‘ra, 1-mart holatiga ko‘ra, Yevropa Ittifoqi va Buyuk Britaniyadagi gaz omborlari rekord darajadagi 61 foizga to‘ldirilgan.
Bu so‘nggi o‘n yillikdagi o‘rtacha ko‘rsatkichdan ancha yuqori (39 foiz).
Izoh (0)