2022-yilda IT Park rezidentlari eksporti hajmi 140 million dollarga yetdi. Bu haqda IT Park matbuot xizmati xabar bermoqda.
2022-yilning 4-choragi yakunlariga ko‘ra, eksportdan 65,1 million dollari BPO kompaniyalari xizmatlari eksportiga to‘g‘ri keldi. Shu bilan birga, eksportning 81 foizi AQSHga, qolgani — Buyuk Britaniya, Germaniya, Rossiya, MDH va BAAga to‘g‘ri keladi.
IT Park rezidentlari tomonidan ko‘rsatilayotgan xizmatlarning umumiy hajmida ham o‘sish kuzatilmoqda. U 5,1 trillion so‘mni tashkil etib, bu o‘tgan yilning shu davriga nisbatan 2 barobar ko‘p.
Yo‘nalishlar bo‘yicha hajm quyidagicha taqsimlandi:
- DT ishlab chiqish — 2,78 trln so‘m;
- ma’lumotlarni qayta ishlash — 1,5 trillion so‘m;
- BPO — 729,1 mlrd so‘m;
- IT-ta’lim — 83,3 mlrd so‘m;
- IT-konsalting — 8,5 mlrd so‘m.
2022-yilning yakunlariga ko‘ra IT Park rezidentlari soni 1 122 ta kompaniyani tashkil etgan bo‘lsa, 2023-yil 1-mart holatiga ko‘ra 1173 taga (830 ta kompaniya — Toshkentda, 343 tasi — viloyatlarda joylashgan) yetdi.
Shundan:
- 419 — yangi tashkil etilgan kompaniyalar;
- 173 — xorijiy kapitalga ega kompaniyalar;
- 229 — taʼlim kompaniyalari;
- 352 — eksport qiluvchi kompaniyalar, ulardan 188 tasi – dasturchi-kompaniyalar;
- 164 tasi — BPO kompaniyalari.
Taqdim etilayotgan imtiyozlar tufayli IT Park rezidentlari qo‘shimcha ish o‘rinlarini yaratib, mamlakatda IT-mutaxassislar safini ko‘paytirmoqda. 2023-yil 1-yanvar holatiga ko‘ra, rezident kompaniyalarda 18 ming kishi faoliyat yuritadi.
IT Parkʼning 2022-yildagi yutuqlariga bag‘ishlangan press konferensiyasida ma’lum bo‘lishicha, 2023-yil oxiriga qadar IT-xizmatlar eksporti hajmini 300 million dollarga, keyingi yilda esa — 500 million dollarga yetkazish rejalashtirilgan.
Izoh (0)