O‘zbekistonda mandarinning o‘rtacha ulgurji narxi meva-sabzavot mahsulotlarining ulgurji narxlarini haftalik monitoring qilib boruvchi mamlakatlar orasida eng past ko‘rsatkichda. Bu haqda EastFruit xabar berdi.
EastFruit narxlari monitoringi ma’lumotlariga ko‘ra, 2023-yil yanvar oyi boshidan fevral o‘rtalarigacha O‘zbekistonda mandarin narxlari barqaror bo‘lgan.
Ushbu mahsulotlarning o‘rtacha ulgurji narxi 12 000 so‘m/kg darajasida saqlanib qolgan va faqat fevral oyining ikkinchi yarmi 8,3 foizga oshgan.
2023-yil 3-mart holatiga ko‘ra, O‘zbekistonda mandarinning o‘rtacha ulgurji narxi 13 000 so‘m/kgni tashkil etadi. Bu o‘tgan yilning shu sanasiga nisbatan 18 foizga yuqori. 2021-yildagi narx bilan esa o‘xshash.
Shu bilan birga, 2023-yil fevral oyining ikkinchi yarmida narxlar oshishiga qaramay, O‘zbekistonda mandarinning o‘rtacha ulgurji narxi mintaqa mamlakatlari orasida eng past ko‘rsatkich bo‘ldi.
2022-yil noyabr oyida O‘zbekiston sitrus mevalari va banan importining nol stavkasini yana bir bor uzaytirgan.
Izoh (0)