Ўзбекистонда Россия брендларининг франшизасига талаб ҳамон юқорилигича сақланиб қолмоқда. Бу ҳақда “Франшиза.ру” тадқиқотига таяниб “Коммерсант” хабар берди.
Портал эксперти Анна Рождественскаянинг сўзларига кўра, 2023 йилда Россияда иқтисодий вазият ёмонлашмаса, франшизаларга бўлган талаб кўп марта ортиши мумкин.
Мисол учун, “Франчиза.ру” сўрови шуни кўрсатадики, Россия брендлари эгаларининг 41 фоизи франчайзинг орқали савдо нуқталари сонини кўпайтиришни режалаштирмоқда.
Россия компанияларининг франшизаларига қизиқиш кўп сонли россиялик релокантлар кўчиб ўтган мамлакатларда — БАА, Туркия ва Қозоғистонда сақланиб қолмоқда.
Шунга қарамай, Анна Рождественская Ўзбекистон ва Беларусда рус брендларининг франшизасига юқори талаб сақланиб қолаётганини қайд этади.
AnderSon кафелар тармоғи асосчиси Анастасия Татулова МДҲ ва БААдаги франшизага қизиқиш билдирган. Россиянинг Stardogs ҳот-дог тармоғи МДҲ давлатларидан бирида ўзининг биринчи франчайзинг ресторанини очиш ниятида.
Бироқ Infoline-Analytics бош директори Михаил Бурмистров кўплаб Россия компанияларининг ташқи бозорларга мослашмаганига ишора қилади. Бу мамлакатларга россияликлар оқими бор экан, талаб сақланиб қолади. Аммо миграция оқими заифлашганидан кейин Россия брендлари маҳаллий воқеликка мослашиши керак, акс ҳолда уларга талаб бўлмайди.
Изоҳ (0)