O‘zbekistonda 2022-yilda internet-banking xizmatidan foydalanuvchilar soni bir yarim barobarga oshdi

Markaziy bank 2022-yil uchun to‘lov tizimlari sharhini taqdim qildi.

2022-yilda Markaziy bankning Banklararo to‘lov tizimi orqali amalga oshirilgan tranzaksiyalar hajmi o‘tgan yilga nisbatan 1,5 barobarga oshib, 4 129 trln so‘mni tashkil etdi. 

Markaziy bankning Banklararo to‘lov tizimi orqali o‘tkazilgan tranzaksiyalar hajmining 10 foizi — Kapitalbank, 9 foizi — Ipoteka bank, 9 foizi — Milliy bank, 7 foizdan – Trastbank, O‘zsanoatqurilishbank va Xalq banki, shuningdek qolgan banklar hissasiga to‘g‘ri keladi.

Natijada, Markaziy bankning Hisob-kitoblar kliring tizimi orqali to‘lovlarni qabul qiluvchi tashkilotlar (xizmatlar taqdim etuvchilar) soni 2022-yilda 46 taga yetdi. 

2022-yilda Hisob-kitoblar kliring tizimi orqali amalga oshirilgan to‘lovlar hajmi 2021-yilga nisbatan 1,6 barobarga oshib, 58,7 trln so‘mni tashkil etdi. 

Internet-banking xizmatidan foydalanuvchilar soni bir yarim barobarga oshib, onlayn operatsiyalar hajmi qariyb 146 trln so‘mga yetgan. 

Shuningdek, regulyatorning qayd etishicha, mobil ilovalar orqali barcha bank xizmatlaridan foydalanish imkoniyati tufayli onlayn o‘tkazmalar hajmi 145,8 trillion so‘mga yetgan.

O‘tgan yili mobil ilovalar orqali foydalanuvchilar tomonidan 21,9 trillion so‘mlik onlayn omonat ochilgan.