Malina vitaminlar va antioksidantlarga boy rezavor meva. U organizmning turli tizimlariga shifobaxsh ta’sir ko‘rsatadi va bir qator kasalliklarning oldini olishda yordam beradi. Quyida uning ilmiy asoslangan foydali xususiyatlarini sanab o‘tamiz.
-aTtjNYUW.avif)
- Immunitetni mustahkamlovchi tabiiy vosita
Malina tarkibida C vitamini ko‘p bo‘lib, bu organizmning virus va bakteriyalarga qarshi kurashish qobiliyatini kuchaytiradi. Askorbin kislotasi leykotsitlar — infeksiyalarga qarshi kurashuvchi oq qon hujayralarining ko‘payishini rag‘batlantiradi. Sovuq kunlarda u immunitetni faollashtiradi, yozgi mavsumda esa tabiiy himoya tizimini barqaror holatda saqlab turadi.
- Yurak va qon tomirlar salomatligi uchun
Malina kaliyga boy bo‘lib, yurak mushaklarining to‘g‘ri ishlashini ta’minlaydi va qon bosimini me’yorga keltiradi. Shuningdek, uning tarkibida flavonoidlar ham bo‘lib, ular qon tomirlarining elastikligini oshiradi va qon aylanishini yaxshilaydi. Malinadagi salitsilatlar esa aspirinning faol moddasiga o‘xshash tabiiy birikmalarni o‘z ichiga oladi. Ular yallig‘lanishga qarshi kurashadi hamda qon quyuqlashishining oldini olib, tromb hosil bo‘lish xavfini kamaytiradi.
- Qandli diabetning oldini olish
Malina tarkibida ko‘plab o‘simlik tolalari va polifenollar mavjud, ular glyukozaning qonga sekin so‘rilishiga yordam beradi va shakar darajasini barqaror holatda saqlaydi. Shu sababli u 2-turdagi qandli diabetning profilaktikasi uchun foydali hisoblanadi. Me’yorda iste’mol qilinsa, malina hatto glikemik indeksni doim hisoblab yuruvchi va diabet bilan yashovchi odamlarga ham tavsiya etilishi mumkin.

- Teri, soch va tirnoqlar salomatligi
Malinadagi C vitamini va kuchli antioksidantlar kollagen ishlab chiqarilishini faollashtiradi. Kollagen esa o‘z navbatida terining mayinligi, soch va tirnoqlarning mustahkamligi uchun javob beradigan oqsil. Malina yordamida ajinlar sekinroq paydo bo‘ladi, quyosh nurlari ta’siridagi keksayish — fotoqarish jarayoni sekinlashadi.
- Miya faoliyati va xotirani mustahkamlash
Malinadagi flavonoidlar miya hujayralarini erkin radikallardan himoya qiladi va asab hujayralarining sog‘lom ishlashiga yordam beradi. Tadqiqotlarga ko‘ra, malinani muntazam iste’mol qilish demensiya (xotira va aqliy zaiflik) xavfini kamaytiradi.
- Bo‘g‘imlarni himoya qilish
Malinadagi antioksidantlar va tabiiy yallig‘lanishga qarshi moddalar bo‘g‘imlardagi og‘riq va shish alomatlarini kamaytirishi mumkin. Ayniqsa, osteoartrit kabi surunkali kasalliklarda ushbu rezavor ancha foydali hisoblanadi.
- Saraton kasalligidan himoya
-eKKMXcFt.avif)
Jonivorlar ustida o‘tkazilgan ilmiy tadqiqotlar malina ekstrakti saraton hujayralarining o‘sishiga to‘sqinlik qilishi mumkinligini ko‘rsatgan. Olimlar bu ta’sirni malinada mavjud bo‘lgan fenol birikmalar va antioksidantlarning hujayra mutatsiyalari va yallig‘lanish jarayonlariga qarshi kurashuvchi xususiyati bilan bog‘laydi.
Qarshi ko‘rsatmalar
Foydali bo‘lishiga qaramay, malinani ham me’yorida iste’mol qilish kerak. Shifokorlar kuniga 150–200 grammgacha malinani yeyishni tavsiya etadi. Salitsilatga sezgir, allergiyasi bor shaxslar, shuningdek bolalarda ehtiyotkorlik zarur.
Izoh (0)