Prognozlashtirish va makroiqtisodiy tadqiqotlar instituti (PMTI) ekspertlari 2017—2022-yillarda O‘zbekistonda pul-kredit sohasida amalga oshirilgan islohotlar va ularning qanday natija berganini tahlil qildi.
So‘nggi yillarda mamlakatda pul-kredit siyosati bosqichma-bosqich erkinlashtirilmoqda.
Pul-kredit sohasida amalga oshirilgan islohotlar jarayonida asosiy e’tibor quyidagi jihatlarga qaratildi:
- valyuta siyosatini erkinlashtirish;
- bank xizmatlari ommabopligini oshirish;
- inflyatsion targetlash tartibiga bosqichma-bosqich o‘tish;
- bank sektorini erkinlashtirish.
Ushbu islohotlar natijasida erishilgan yutuqlar:
2017-yilda O‘zbekiston Markaziy banki almashinuv kurslarini unifikatsiya qildi va valyuta bozorini erkinlashtirdi. Bu o‘zbek so‘mining yagona kursi shakllanishiga olib kelib, korxonalarning xalqaro miqyosdagi faoliyatini osonlashtirdi.
2018-yilda Markaziy bank boshqaruvi Moliyaviy ommaboplik alyansiga (Alliance for Financial Inclusion) a’zo bo‘lish to‘g‘risidagi qarorni qabul qildi va qator islohotlarni amalga oshirdi. Natijada, bank xizmatlarini masofadan ko‘rsatuvchi tizimlardan foydalanuvchilar soni 15 marotaba, kredit qo‘yilmalari 7,4 marotaba, bank aktivlari 6,6 marotaba, jalb qilingan depozitlar hajmi 5,8 marotaba oshdi.
2019-yilda hukumat inflyatsiyani targetlash bo‘yicha 5 yillik strategiyani e’lon qildi. Unda inflyatsiya darajasini 4-5 foiz atrofida ushlab turish vazifasi belgilandi.
Bank sektori erkinlashtirildi, sog‘lom raqobat muhiti shakllantirildi va 2025-yilgacha oltita davlat bankini xususiylashtirish vazifasi qo‘yildi. “Ipoteka-bank”dagi davlat ulushining 75 foizi Vengriyaning OTP bankiga sotildi.
Bank tizimida raqamlashtirish keng miqyosda amalga oshirildi. Banklarning mobil ilovalari soni 21 tadan oshdi. “TBC Bank” va “Anorbank” raqamli banklari o’z faoliyatini boshladi.
Izoh (0)