Rossiya prezidenti Vladimir Putinning 22-fevral kuni “Lujniki”dagi konsertga tashrifida kiygan kurtkasining narxi tarmoq foydalanuvchilari orasida muhokamaga sabab bo‘ldi. Bu haqda UNIAN xabar berdi.
Ma’lum qilinishicha, Putin qariyb 600 ming rubllik ( 7 931 dollar) kurtkada ko‘rinish bergan. Rossiya rahbarining kashemerlik kiyimi Fransiyaning Serasin brendiga tegishli. Kurtka 2012-yil maxsus buyurtma asosida tikilgan. Bu Putin zaxirasidagi kiyimni kiygan bo‘lishi mumkinligini anglatadi.
“Shunga qaramay, bu kurtkaning qimmatligiga ta’sir qilmaydi. Biroq Putin kiyimlarga pul tejashi, ya’ni eski ustki kiyimlarini ham kiyishi ko‘p narsa haqida gapiradi”, — deyiladi xabarda.
Ta’kidlanishicha, Brioni va Loro Piana Rossiya prezidentining sevimli brendi hisoblanadi. 2022-yil Putin Brioni brendining 435 ming rubllik (5 748 dollar) kurtkasida ko‘rinish bergan.
Izoh (0)