Rossiyaning Ukrainaga bostirib kirishining dastlabki kunlarida rus armiyasi o‘zining bir nechta harbiy samolyotlarini urib tushirdi. Bu haqda Financial Times xabar berdi.
Urib tushirilgan Rossiya samolyotlari haqida ikki nafar g‘arb va bir nafar ukrainalik rasmiy nashrga ma’lum qildi. Bunga urushning birinchi kunlarida rus qo‘shinlarida yuz bergan tartibsizlik sabab bo‘lgan bo‘lishi mumkin. Financial Times va uning suhbatdoshlari bu qachon va qayerda sodir bo‘lganiga aniqlik kiritmagan. AQSHning sobiq yuqori martabali mulozimi bu tarzda urib tushirilgan Rossiya samolyotlari soni “bir yoki ikkita emas”ligini aytmoqda.
U urush boshlanishida ruslarning “Ukraina ustidan uchib o‘tishga va o‘z hayotlarini xavf ostiga qo‘yishga tayyor bo‘lgan jangovar tajribaga ega uchuvchilari yo‘qligini” ilgari surdi. Ukraina Mudofaa vazirligi Harbiy razvedka bosh boshqarmasi boshlig‘i o‘rinbosari Vadim Skibitskiy ular o‘z samolyotlari va vertolyotlarini artilleriya va tanklardan urib tushirganini aytmoqda. Bu rossiyalik harbiylarning suhbatlarini qo‘lga kiritish orqali tasdiqlangan.
Financial Times suhbatdoshlarning so‘zlariga tayanib, Rossiya o‘z aviatexnikasiga zarba berishi oqibatida mamlakat bir necha uchuvchilarni yo‘qotgan. Nashr rus uchuvchilarning qanchasi hodisa oqibatida halok bo‘lganiga oydinlik kiritmagan.
Izoh (0)