O‘zbekiston mehmondo‘st davlatlar reytingida 25-o‘rinni egalladi, Bu Markaziy Osiyo mamlakatlari orasida eng yuqori ko‘rsatkich hisoblanadi. Welcoming Countries Rank-2023 tegishli reytingi e’lon qilindi.
Reytingni tuzishda qancha fuqarolarning mamlakatga vizasiz kirishi yoki uni kelganida olishi mumkinligi hisobga olingan. Shu tariqa O‘zbekiston Markaziy Osiyodagi eng mehmondo‘st davlat deb topildi. Respublikaga 139 davlat fuqarolari vizasiz rejimda tashrif buyurishi mumkin.
Reytingda bir o‘ringa bir nechta davlatlar ham to‘g‘ri keladi. Markaziy Osiyoning boshqa davlatlari reytingda quyidagi o‘rinlarni egallagan:
- Tojikiston 49-o‘rin
- Qirg‘iziston 53-o‘rin
- Qozog‘iston 54-o‘rin
- Turkmaniston va Afg‘oniston 82-o‘rin
Avvalroq Numbeo tahliliy xizmati jinoyat darajasi bo‘yicha davlatlarning 2023-yilgi reytingini tuzgandi. O‘zbekiston 142 mamlakat ichida 104-o‘rinni egallagan. Reytingda yuqori o‘rinni egallagan davlatlarda jinoyatchilik yuqori, quyi o‘rinlarda esa past, ammo xavfsizlik yuqori bo‘ladi. O‘zbekistonning reytingidagi jinoyatchilik indeksi 33,5 foizni, xavfsizlik indeksi esa 66,5 foizni tashkil qilgan.
Izoh (0)