Eronda bortida 12 nafar yo‘lovchi, jumladan, sport vaziri Hamid Sajjadi bo‘lgan vertolyot qulab tushdi. Bu haqda Al Arabia xabar berdi.
Ma’lum qilinishicha, hodisa 23-fevral kuni vertolyotning Baft shahriga qo‘nish paytida yuz bergan. Guvohlar vazirning holati yaxshiligini aytmoqda. U boshqa yo‘lovchilar bilan birga davolanish uchun kasalxonaga olib ketilgan. Vazirning maslahatchisi hodisa oqibatida vafot etgan.
Yevropa Ittifoqi yanvar oyida hijobni noto‘g‘ri o‘ragani uchun politsiya tomonidan hibsga olingan eronlik Mahsa Aminiyning o‘limi ortidan Sajjadiga qarshi sanksiyalar kiritgandi. 22 yoshli Aminiyning o‘limi ortidan Eronda ommaviy tartibsizliklar boshlangan. Mamlakat aholisi qizning o‘limida politsiyani ayblagan. Mamlakatda bir qancha namoyishchi qatl qilingan.
Izoh (0)