Yevropa Ligasi. “Barselona” va “Manchester Yunayted” o‘rtasidagi o‘yinda jangovar durang qayd etildi. “Yuventus” g‘alabani qo‘ldan chiqardi, “Roma”da mag‘lubiyat

Futbol bo‘yicha Yevropa Ligasining 1/8 finaliga o‘tish o‘yinlari doirasidagi dastlabki uchrashuvlar 16-fevral, payshanba sanasida bo‘lib o‘tdi.

“Barselona” o‘z uyida “Manchester Yunayted”ni qabul qildi. Birinchi bo‘limda hisob ochilmadi. Ikkinchi bo‘lim debyutida Markos Alonso katalonlarni hisobda oldinga olib chiqqan bo‘lsa, oradan ikki daqiqa o‘tib Markus Reshford muvozanatni tikladi.

59-daqiqada Jyul Kundening avtogolidan keyin mehmonlar hisobda oldinga o‘tib oldi. 76-daqiqada Rafinya yana vaziyatni tenglashtirdi. Qolgan vaqtda hisob o‘zgarmadi.

“Zalsburg” maydonida mehmon bo‘lgan “Roma” minimal hisobdagi mag‘lubiyatni qabul qilib oldi. “Yuventus” esa “Nant” bilan durang o‘ynadi.

Mazkur juftliklar o‘rtasidagi javob o‘yinlari 23-fevral kuni bo‘lib o‘tadi.

Yevropa Ligasi

1/8 finalga o‘tish o‘yinlari

16-fevral, payshanba

“Barselona” (Ispaniya) – “Manchester Yunayted” (Angliya) 2:2

Gollar: 1:0 – 50 Alonso, 1:1 – 52 Reshford, 1:2 – 59, avtogol Kunde, 2:2 – 76 Rafinya.

“Barselona”: ter Shtegen, Arauxo, Alonso (Kristensen, 67), Kunde, Alba (Balde, 67), Kessie (Fati, 67), de Yong, Pedri (Serxi Roberto, 41), Gavi, Levandovski, Rafinya (Ferran Torres, 83).

“Manchester Yunayted”: De Xea, Uan-Bissaka, Varan, Shou, Malasia, Brunu Fernandesh, Kazemiro, Fred, Vegorst, Reshford, Sancho (Garnacho, 82).

Ogohlantirishlar: Alba (30), Varan (43), Kazemiro (65), Malasia (72), Gavi (73).

“Zalsburg” (Avstriya) – “Roma” (Italiya) 1:0

Gol: 1:0 – 88 Kapaldo.

“Zalsburg”: Ken, Dedich, Sole, Pavlovich, Ulmer, Kapaldo, Zayvald, Suchich (Glux, 82), Gurna-Duat, Okafor (Koyta, 82), Fernando Pedro (Adamu, 60).

“Roma”: Ruy Patrisiu, Smolling, Manchini, Rojer, Matich, Kristante, Pellegrini (Veynaldum, 74), Zalevski, Dibala (Chelik, 46), Abraham (Belotti, 74), Ash-Shaaravi.

“Ayaks” (Niderlandiya) – “Union” (Germaniya) 0:0

“Shaxtyor” (Ukraina) – “Renn” (Fransiya) 2:1

Gollar: 1:0 – 11 Kriskiv, 2:0 – 45, penalti Bondarenko, 2:1 – 59 Toko-Ekambi.

“Bayer” (Germaniya) – “Monako” (Monako) 2:3

Gollar: 0:1 – 9, avtogol Gradetski, 1:1 – 48 Diabi, 2:1 – 59 Virts, 2:2 – 74 Diatta, 2:3 – 90 Disasi.

“Yuventus” (Italiya) – “Nant” (Fransiya) 1:1

Gollar: 1:0 – 13 Vlahovich, 1:1 – 60 Blas.

“Yuventus”: Shensni, De Shilyo (Kuadrado, 73), Danilo, Bremer, Aleks Sandro, Paredes (Lokatelli, 63), Rabyo, Fajoli (Kostich, 63), Di Mariya (Soule, 73), Vlahovich (Kin, 86), Kyeza.

“Nant”: Lafon, Pallua (Korshya, 83), Kastelletto (Gessan, 88), Jirotto, Santonz, Sissoko, Chirivelya (Molle, 77), Mutussami, Koko (Traore, 77), Blas, Muhammad (Saymon, 77).

“Sporting” (Portugaliya) – “Midtyulland” (Daniya) 1:1

Gollar: 0:1 – 77 Ashur, 1:1 – 90 Koates.

“Sevilya” (Ispaniya) – “PSV” (Niderlandiya) 3:0

Gollar: 1:0 – 45 An-Nesiri, 2:0 – 50 Okampos, 3:0 – 55 Gudel.