La Liga. “Real” qoldirilgan tur o‘yinida autsayderni tor-mor etdi

Futbol bo‘yicha Ispaniya La Ligasining qoldirilgan 21-tur o‘yinida “Real” 15-fevral, chorshanba kuni “Elche”ni o‘z maydonida qabul qildi. 

Uchrashuv madridliklarning yirik hisobdagi g‘alabasi bilan yakunlandi. “Qaymoqranglilar” safida Marko Asensio va Luka Modrich bittadan gol urgan bo‘lsa, Karim Benzema dublni rasmiylashtirdi. 

Shu tariqa “Real” ochkolari sonini 48 taga yetkazib, musobaqa yetakchisi “Barselona” bilan oradagi farqni qisqartirdi. Kataloniyaliklarda ortda qolgan 21 turdan so‘ng 56 ochko mavjud. 

La Liga

21-tur bahsi

15-fevral, chorshanba

“Real” – “Elche” 4:0

Gollar: 1:0 – 8 Asensio, 2:0 – 31 Benzema (penalti), 3:0 – 45 Benzema (penalti), 4:0 – 80 Modrich.

“Real Madrid”: Lunin, Karvaxal (Odriosola, 68), Nacho, Militao, Alaba, Sebalyos (Modrich, 68), Valverde (Tchuameni, 68), Kamavinga, Benzema (Mariano Dias, 78), Asensio (Arribas, 81), Rodrigo.

“Elche”: Badiya, Karmona, Magalyan, Roko (Verdu, 57), Diego Gonsales (Lirola, 73), Klerk, Fidel (Morente, 58), Gumbau, Guti (Diop, 58), Nteka (Boye, 66), Ponse.

Ogohlantirishlar: Roko (30), Gumbau (53), Diego Gonsales (72), Mariano Dias (83).