WR Chess Masters. Bugun Nodirbek Abdusattorov yana bir nufuzli musobaqadagi ishtirokini boshlaydi

Germaniyaning Dyusseldorf shahrida 15—26-fevral kunlari shaxmat bo‘yicha WR Chess Masters musobaqasi o‘tkaziladi.

Musobaqada dunyoning 10 nafar taniqli grossmeysterlari bosh sovrin uchun kurash olib boradi. Ular qatorida o‘zbekistonlik shaxmatchi Nodirbek Abdusattorov ham bor.

Musobaqada Abdusattorovdan tashqari Yan Nepomnyashiy, Andrey Yesipenko (ikkisi – FIDE, Rossiya), Anish Giri (Niderlandiya), Uesli So, Levon Aronian (ikkisi – AQSH), Yan-Kshishtof Duda (Polsha), Vinsent Keymer (Germaniya), Dommaraju Gukesh, Rameshbabu Pragnanandha (ikkisi – Hindiston) kabi shaxmatchilar ishtirok etadi.

16-fevral kuni Abdusattorov 1-tur doirasida dunyoning ikkinchi raqamli shaxmatchisi Yan Nepomnyashiyga qarshi dona suradi.

Nodirbek Abdusattorovning musobaqadagi taqvimi bilan tanishing:

• Abdusattorov — Nepomnyashiy (16-fevral)
• Abdusattorov — Yesipenko (17-fevral)
• Abdusattorov — Aronian (18-fevral)
• Abdusattorov — Pragnanandha (19-fevral)
• Abdusattorov — Keymer (21-fevral)
• Abdusattorov — Gukesh (22-fevral)
• Abdusattorov — Duda (23-fevral)
• Abdusattorov — Giri (24-fevral)
• Abdusattorov — So (25-fevral)

18 yoshli Abdusattorov yanvar oyida Niderlandiyada o‘tgan Tata Steel Chess musobaqada ikkinchi o‘rinni egallagandi. So‘nggi turga qadar peshqadam bo‘lib turgan o‘zbekistonlik shaxmatchi oxirgi turdagi mag‘lubiyat sabab Anish Giridan qolib ketgandi.

Shu tariqa Nodirbek bir oyga qolmay ikkinchi nufuzli musobaqa ishtirokchisiga aylanmoqda.