Jizzax viloyati G‘allaorol tumanida tungi xizmatga jalb etilgan mahalla noziri begona ayol bilan qo‘lga tushgandi. Viloyat ichki ishlar boshqarmasi axborot xizmati xodim ishdan olinganini ma’lum qildi.
Surishtiruv davomida G‘allaorol tumani ichki ishlar bo‘limi 2-sonli IIB JXX huquqbuzarliklar profilaktikasi guruhi profilaktika inspektori J.X.ning bir necha nafar shaxslar bilan kelishmovchiligi yuzaga kelgan.
O‘rganish ishlari davomida kapitan J.X.ning tizim tartib-qoidalarini buzgani aniqlanib, ichki ishlar organlari xizmatidan bo‘shatilgan. Bo‘limning 4 nafar rahbar xodimlariga profilaktika inspektorining faoliyati ustidan yetarli nazorat o‘rnatmaganliklari uchun intizomiy choralar qo‘llangan.
Yuqoridagilar bilan bir qatorda, voqeaning ayrim ishtirokchilarining xatti-harakatlarida Ma’muriy javobgarlik to‘g‘risidagi kodeksning ayrim moddalarida ifodalangan huquqbuzarlik alomatlari aniqlanganligi sababli to‘plangan hujjatlar ko‘rib chiqish va qonuniy qaror qabul qilish uchun Jinoyat ishlari bo‘yicha G‘allaorol tumani sudiga yuborilgan.
Izoh (0)