O‘zbekistonda joriy yilning yanvar oyida respublika soliq tushumlari hajmi o‘tgan yilning shu davriga nisbatan 5,3 foizga oshgan. Bu haqda “Daryo”ga Iqtisodiy tadqiqotlar va islohotlar markazi xabar bermoqda.
Jumladan, Jizzax (47,9 foiz), Navoiy (29,4 foiz), Samarqand (27,1 foiz), Andijon (19 foiz) va Toshkent (18,6 foiz), viloyatlarida, Qoraqalpog‘istonda (19,7 foiz) va Toshkent shahrida (28,7 foiz) soliq tushumlarining sezilarli o‘sishi qayd etildi.
Tahlillarga ko‘ra, mamlakatda 2023-yil 1-yanvardan boshlab QQS stavkasining 15 foizdan 12 foizga tushirilishi va ob-havo inqirozi, yanvar oyining o‘rtalarida ob-havo keskin sovib ketgani tufayli ishlab chiqarish obyektlarida elektr energiyasi va tabiiy gaz ta’minotidagi uzilishlarga qaramay, soliq tushumlari o‘rtacha darajada oshdi.
Bundan tashqari, soliq tushumlari manbalari bo‘yicha QQS 20 foizga, daromad solig‘i tushumlari 15 foizga, mol-mulk solig‘i 37 foizga, yer solig‘i 38 foizga oshdi, bu esa oy oxirigacha o‘rtacha o‘sishni qo‘llab-quvvatlashga imkon beradi.
Izoh (0)