O‘zbekistonda 2023-yil 1-maydan boshlab kompaniyalar va yakka tartibdagi tadbirkorlar uchun bank hisobvaraqalarini faoliyati davomida ham masofadan turib ochishga ruxsat beriladi. Bu haqda Markaziy bank xabar bermoqda.
Ma’lum bo‘lishicha, Markaziy bank tomonidan ishlab chiqilgan “Bank hisobvaraqlarini ochish, yuritish va yopish tartibi to‘g‘risida”gi yo‘riqnoma Adliya vazirligida ro‘yxatdan o‘tkazildi.
Mazkur hujjat bank hisobvaraqalarini ochishda bir qancha o‘zgarishlarni o‘z ichiga oladi.
Jumladan, ta’sischilari O‘zbekiston rezidentlari bo‘lgan kompaniyalar hamda yakka tartibdagi tardbirkorlarga bank hisobvaraqlarini 2023-yil 1-maydan boshlab, nafaqat davlat ro‘yxatidan o‘tish jarayonida, balki faoliyati davomida ham bank hisobvaraqlarini masofadan turib ochishga ruxsat beriladi.
Bundan tashqari, hisobvaraqni ochish uchun taqdim etiladigan hujjatlarni elektron saqlash imkoniyati bo‘lganda, qog‘ozda saqlamaslik huquqi berilmoqda. Nogironligi bo‘lgan shaxslarga esa faksimil imzodan foydalanishga ruxsat beriladi.
Shuningdek, g‘azna ijrosi bilan qamrab olingan kompaniyalarga asosiy hisobvaraq ochmasdan, boshqa hisobvaraqlar (tranzit, terminal, naqd pul uchun, korporativ karta) ochish mumkinligi belgilanmoqda.
O‘zbekiston fuqarosi bo‘lgamagan jismoniy va yuridik shaxslarga bank hisobvaraqlarini ochishda va ularga mablag‘larni kirim qilishda “O‘z mijozingni bil” (KYC, e-KYC) va “Daromadni legallashtirishga qarshi kurashish” (AML) tizimlariga muvofiq banklar tomonidan asoslovchi hujjatlar olinishi mumkinligi bo‘yicha normalar belgilanmoqda.
Izoh (0)