Afg‘onistonning Balx viloyati Mozori Sharif markazida o‘rnatilgan Alisher Navoiy yodgorligi buzib tashlangandi. Mamlakat hukumati vakillari yodgorliklarni tiklash choralari ko‘rilishini ma’lum qildi.
O‘zbekiston TIV matbuot kotibi Ahror Burxonovning xabar qilishicha, ushbu masala yuzasidan Afg‘oniston hukumati vakillari bilan bog‘lanildi. Ularning ta’kidlashicha, ushbu vandalizm holati qardosh O‘zbekiston bilan ko‘p asrlik do‘stona munosabatlarni mustahkamlash tarafdori bo‘lgan hukumat rasmiy siyosatini aks ettirmaydi.
Bu noma’lum shaxslarning o‘zboshimchalik va o‘ylamasdan qilgan harakati natijasi bo‘lib, ikki davlatning umumiy tarixiy va madaniy merosiga zarar yetkazadi.
“Afg‘oniston hukumati vakillari yodgorliklarni tiklash va umumiy merosimizga hurmat bilan munosabatda bo‘lish choralarini ko‘rishini ma’lum qildilar”, — deydi TIV matbuot kotibi o‘zining Twitter dagi sahifasida.
Izoh (0)