Shuhrat Sodiqov bosh vazir kotibiyati rahbari o‘rinbosari etib tayinlandi. Bu haqda bosh vazir matbuot xizmati xodimi Bekzod Hidoyatov xabar berdi.
Shuhrat Sodiqov 2018-yilning avgustidan 2021-yilning noyabrigacha AKT vaziri lavozimida ishlagan. O‘zbekistonda Telegram, YouTube, Instagram, Facebook, “Odnoklassniki” kabi tarmoqlar vaqtincha cheklanishi ortidan prezident farmoni bilan lavozimidan ozod etilgandi.
U endi prezident farmoni bilan bosh vazir kotibiyati rahbari etib tayinlangan Abdurashid Jo‘raboyevga o‘rinbosarlik qiladi. Tayinlovga qadar Abdurashid Jo‘raboyev 2019-yil sentabrdan buyon prezidentning yoshlar, fan, ta‘lim, sog‘liqni saqlash, madaniyat va sport masalalari bo‘yicha maslahatchisi o‘rinbosari lavozimida ishlab kelgan.
Nusratbek To‘ychiyev bosh vazir kotibiyati rahbari birinchi o‘rinbosari etib tayinlandi. Shu munosabat bilan u Vazirlar Mahkamasi apparati boshqaruvchisining huquqiy ekspertiza masalalari bo‘yicha o‘rinbosari lavozimidan ozod qilindi.
Vazirlar Mahkamasi Yuridik taʼminlash boshqarmasi boshlig‘i lavozimida faoliyat yuritgan Davron Qalandarov bosh vazir kotibiyati rahbariga o‘rinbosar bo‘ldi.
Shuningdek, Mansurbek Jumaniyozov bosh vaziri o‘rinbosari Ochilboy Ramatov kotibiyati mudiri etib, Izzat Tangriyev bosh vaziri o‘rinbosari Jamshid Qo‘chqorov kotibiyati mudiri etib Jamshid Abdusalomov bosh vaziri o‘rinbosari Jamshid Xo‘jayev kotibiyati mudiri etib, Nodir Do‘smatov bosh vaziri o‘rinbosari Zulayxo Mahkamova kotibiyati mudiri etib tayinlandi.
Izoh (0)