Xitoy yadro kallaklari sonini 2027-yilga qadar 300 tadan 550 taga, 2035-yilgacha esa 900 tagacha oshirish niyatida, chunki AQSH bilan munosabatlar Tayvan tufayli yanada keskinlashishi kutilmoqda. Bu haqda Yaponiyaning Kyodo axborot agentligi manbalariga tayanib xabar berdi.
Tegishli reja Xitoy Xalq-ozodlik armiyasida ishlab chiqilgan bo‘lib, u Xitoy xalq respublikasi raisi Si Szinpin tomonidan ma’qullangan. Agentlik suhbatdoshlariga ko‘ra, Xitoy harbiylari bu qarorga 2022-yilning noyabr oyida kelgan.
Xalqaro munosabatlar bo‘yicha ayrim ekspertlar Xitoy yadro qurolidan foydalanmaslik tamoyilidan voz kechishi mumkinligini istisno qilmayapti, deya qayd etdi Kyodo.
Pentagonning yanvar oyi oxirida Kongressga taqdim etgan hisobotiga ko‘ra, Xitoy qit’alararo raketalarni uchiruvchi yerusti qurilmalari soni bo‘yicha allaqachon AQSHni ortda qoldirdi, deb yozadi The Wall Street Journal manbalarga tayanib. Shu bilan birga, Qo‘shma Shtatlardagi raketa va yadro kallaklari hanuz Xitoydagidan ko‘p va Pekining ko‘plab uchirgichlari bo‘sh, Amerikaning suvosti va havodan uchiriladigan raketalari statistikaga kiritilmagan.
Stokgolm Xalqaro tinchlik tadqiqot instituti ma’lumotlariga ko‘ra, 2022-yil boshida Xitoyda 350 ta, AQSHda 5 428 ta (1 744 tasi uchirgichlarga joylangan), yadro kallaklari mavjud edi.
Izoh (0)