Buyuk Britaniyaning Preskot shahrida yashovchi 38 yoshli Mark Entoni Kirbi zaharli o‘rgimchak chaqishi oqibatida vafot etdi. Bu haqda Liverpool Echo xabar berdi.
Kirbining 18 yoshli o‘g‘li va 17 yoshli qizi bo‘lgan. Uning sobiq sevgilisi va farzandlarining onasi Keyli Gillning so‘zlariga ko‘ra, marhum o‘rgimchak chaqib olganini aytgan, biroq shifokorga murojaat qilmagan. Murdani yorib ko‘rib ham, hozircha o‘limning aniq sababi aniqlanmagan.
Erkak o‘rgimchak chaqishidan bir necha kun o‘tib, Kirbi Gill va singlisi bilan Shotlandiyaga yo‘l olgan. U safar davomida o‘zini yomon his qilayotganidan shikoyat qilgan. Biroq restoranlardan birida kechki ovqat chog‘ida ham hazil qilishda davom etgan.
26-iyul kuni ular Preskotga qaytib kelgan. Keyingi hafta davomida Kirbida grippga o‘xshash alomatlar — yuqori harorat, sovub ketish, qaltirash, qo‘l-oyoqlarda og‘riq kuzatilgan. 2-avgust kuni u Gillning qo‘shni uyda yashovchi singlisi Ketga qo‘ng‘iroq qilib, nafas olishda qiynalayotganini aytgan. Ket tez yordam chaqirgan, ammo voqea joyiga yetib kelgan shifokorlar Kirbining hayotini saqlab qola olmagan.
Keyli Gillning aytishicha, Kirbi o‘limidan ikki-uch hafta oldin o‘rgimchaklarni internet orqali xarid qilgan. Marhum sotib olgan o‘rgimchaklarning turi xabarda keltirilmagan.
Izoh (0)