O‘zbekiston va Afg‘oniston o‘rtasida Hayraton–Mozori Sharif temiryo‘lidan foydalanish borasida yangi kelishuv imzolandi, deb xabar bermoqda “O‘zbekiston temir yo‘llari” matbuot xizmati.
10-fevral kuni Termizda “O‘zbekiston temir yo‘llari” AJ, “Sogdiana Trans” ShK va Afg‘oniston temir yo‘llari boshqarmasi delegatsiyalari o‘rtasida hamkorlikni yanada rivojlantirish bo‘yicha muzokaralar bo‘lib o‘tgandi.
12-fevral kuni Afg‘oniston temir yo‘l boshqarmasi va “Sogdiana Trans” ShK o‘rtasida Hayraton–Mozori Sharif temiryo‘lida ekspluatatsiya ishlarini davom ettirish to‘g‘risida yangi kelishuv imzolandi. Yangi kelishuvga ko‘ra, “Sogdiana Trans” 2 yil davomida o‘z faoliyatini davom ettiradi.
Bundan tashqari, tomonlar birgalikda “Mozori Sharif” bekatiga yuklarni yetkazib berishni tezlashtirishni kelishib oldi. Hamda Afg‘oniston temir yo‘llari boshqarmasining mahalliy mutaxassislarini tayyorlashga alohida e’tibor qaratdi.
Qayd etilishicha, 10—11-fevral kunlari 714 ta yuk vagonlari yetkazildi. Bugungi kunga qadar yuklarni yetkazib berish davom etmoqda.
Izoh (0)