Ўзбекистон ва Афғонистон ўртасида Ҳайратон–Мозори Шариф темирйўлидан фойдаланиш борасида янги келишув имзоланди, деб хабар бермоқда “Ўзбекистон темир йўллари” матбуот хизмати.
10 февраль куни Термизда “Ўзбекистон темир йўллари” АЖ, “Согдиана Транс” ШК ва Афғонистон темир йўллари бошқармаси делегациялари ўртасида ҳамкорликни янада ривожлантириш бўйича музокаралар бўлиб ўтганди.
12 февраль куни Афғонистон темир йўл бошқармаси ва “Согдиана Транс” ШК ўртасида Ҳайратон–Мозори Шариф темирйўлида эксплуатация ишларини давом эттириш тўғрисида янги келишув имзоланди. Янги келишувга кўра, “Согдиана Транс” 2 йил давомида ўз фаолиятини давом эттиради.
Бундан ташқари, томонлар биргаликда “Мозори Шариф” бекатига юкларни етказиб беришни тезлаштиришни келишиб олди. Ҳамда Афғонистон темир йўллари бошқармасининг маҳаллий мутахассисларини тайёрлашга алоҳида эътибор қаратди.
Қайд этилишича, 10—11 февраль кунлари 714 та юк вагонлари етказилди. Бугунги кунга қадар юкларни етказиб бериш давом этмоқда.
Изоҳ (0)