APL klublari “Manchester Siti”ni ligadan chetlatilishini xohlamoqda

Angliya Premyer Ligasi klublarining “Manchester Siti” moliyaviy qoidabuzarlik ishlari bo‘yicha pozitsiyasi ma’lum bo‘ldi. 

Sky Sports nashrining xabarlariga ko‘ra, “shaharliklar”ning 9 mavsum davomida moliyaviy qoidalarni buzib kelgani isbotlansa, ko‘plab klublar ularning Premyer Ligadan chetlatilishini xohlamoqda. 

“Katta oltilik” klublari buni ko‘proq istamoqda. “Manchester Siti”dan tashqari kuchli oltilikka “Manchester Yunayted”, “Arsenal”, “Liverpul”, “Chelsi” va “Tottenhem” jamoalari kiradi.

Qayd etilishicha, “shaharliklar” uchun jazo sifatida sovrinlardan mahrum qilish ma’nosiz. Premyer Ligadagilar bu ma’lum chalkashliklarni keltirib chiqaradi deb hisoblaydi. Jarima esa qo‘llaniladigan jazolar ichida eng samarasizi. 

“Manchester Siti” so‘nggi 11 yil ichida 6 marta APL chempionligini qo‘lga kiritgan.