“Leykers” hujumchisi Lebron Jeyms “Oklahoma”ga qarshi bahsda tarixiy rekord qayd etdi.
“Leykers” o‘z maydonida 130:133 hisobida mag‘lub bo‘ldi. Lebron esa 38 ochko jamg‘ardi va afsonaviy basketbolchi Karim Abdul-Jabbor tomonidan o‘rnatilgan sermahsullik bo‘yicha rekordni yangiladi.
Karim Abdul-Jabbor faoliyati davomida 38.387 ochko yig‘gan bo‘lsa, Jeymsning ochkolari soni 38.388 taga yetdi.
Lebron Jeymsning o‘zi bu rekord haqida: “Shaxsan men o‘zimni eng yaxshisi deb hisoblayman. Lekin hammaning o‘z favorit o‘yinchilari bor va har kim o‘zi uchun eng yaxshisi kimligini o‘zi hal qiladi.
Qanday natijaga erishganimni bilaman va har bir o‘yinda yana muvaffaqiyatlarga erishishga harakat qilaman. Doim o‘zimni tarixdagi eng yaxshisi deb hisoblaganman, biroq zo‘r basketbolchilar juda ko‘p, ular qatorida ekanligimdan xursandman”, — deydi.
Lebron 2003-yilda faoliyatini boshlagan va “Klivlent Kavalyers”, “Mayami Hit” va “Leykers” kabi jamoalar sharafini himoya qilgan.
Izoh (0)