37 yoshli Domeniko Tedesko Belgiya terma jamoasi bosh murabbiyiga aylandi.
Belgiya qirollik futbol assotsiatsiyasi (RBFA) Tedesko bilan shartnoma imzolanganini ma’lum qildi.
Domenikoning boshqargan so‘nggi jamoasi “Leypsig” edi. Klub sentabr oyida murabbiyni iste’foga chiqargan.
Bunga qadar Belgiyada Roberto Martines bosh murabbiy edi. Ispaniyalik mutaxassis 2016-yildan buyon Belgiyani boshqarib kelayotgandi. Uning qo‘l ostida terma jamoa JCH—2018 da 3-o‘rinni qo‘lga kiritgan. 2022-yilgi mundialda esa F guruhida 3-o‘rinni egallab, musobaqani tark etdi. Shundan so‘ng Martines terma jamoani tark etishini ma’lum qilgandi.
Izoh (0)