Англия Премьер Лигаси клубларининг “Манчестер Сити” молиявий қоидабузарлик ишлари бўйича позицияси маълум бўлди.
Sky Sports нашрининг хабарларига кўра, “шаҳарликлар”нинг 9 мавсум давомида молиявий қоидаларни бузиб келгани исботланса, кўплаб клублар уларнинг Премьер Лигадан четлатилишини хоҳламоқда.
“Катта олтилик” клублари буни кўпроқ истамоқда. “Манчестер Сити”дан ташқари кучли олтиликка “Манчестер Юнайтед”, “Арсенал”, “Ливерпуль”, “Челси” ва “Тоттенҳэм” жамоалари киради.
Қайд этилишича, “шаҳарликлар” учун жазо сифатида совринлардан маҳрум қилиш маъносиз. Премьер Лигадагилар бу маълум чалкашликларни келтириб чиқаради деб ҳисоблайди. Жарима эса қўлланиладиган жазолар ичида энг самарасизи.
“Манчестер Сити” сўнгги 11 йил ичида 6 марта АПЛ чемпионлигини қўлга киритган.
Изоҳ (0)