2022-yil dekabr oyidagi banklararo to‘lov operatsiyalari soni va Tovar-xom ashyo birjasidagi faollik oshdi. Bu haqda “Daryo”ga Iqtisodiy tadqiqotlar va islohotlar markazi xabar bermoqda.
2022-yil dekabr oyida banklararo to‘lov operatsiyalari soni 6,4 milliontani tashkil etdi va 2022-yilning noyabr oyiga nisbatan 302,2 ming tranzaksiyaga (4,9 foiz) oshdi.
Banklararo to‘lov operatsiyalari soni 7 ta hududda oshgan.
2022-yil dekabrda mamlakatning 7 ta hududida yuridik shaxslar o‘rtasidagi bank operatsiyalari soni o‘tgan oyga nisbatan oshgan. Xususan, sezilarli darajadagi o‘sish Andijon (55 foiz), Qashqadaryo (14,3 foiz), Namangan (9 foiz) viloyatlari va Toshkent shahrida (4,9 foiz) kuzatilgan.
Shu bilan birga Samarqand (-10,5 foiz), Navoiy (-4,5 foiz), Jizzax (-1,7 foiz), Xorazm (-3,9 foiz), Surxondaryo (-3,3 foiz), Toshkent (-3 foiz) va Farg‘ona (-2,1 foiz) viloyatlarida kamayish kuzatilgan.
2022-yilning dekabr oyida IFIning birja komponenti 1,0675 birlikni tashkil etdi. Bu esa, ushbu komponentning o‘tgan oyga nisbatan 6,7 foizga oshganligini anglatib, har bir bitim bo‘yicha sotib olingan tovarlar o‘rtacha hajmining 10,6 foizga va bitimlar sonining 2,9 foizga oshganligi bilan izohlanadi.
O‘zbekiston Tovar-xom ashyo birjasida tovarlar savdosi umumiy aylanmasi hajmi 2022-yil dekabr oyida 6,82 trln so‘mni tashkil etib, ushbu ko‘rsatkich o‘tgan oyga nisbatan 7,3 foizga oshgan.
Izoh (0)