Yevropa Ittifoqi davlatlari Rossiya dizelining bir barreli uchun 100 dollardan, chegirma bilan sotiladigan mahsulotlari uchun esa 45 dollardan narx chegarasini belgilashga kelishib oldi. Bu haqda Bloomberg xabar berdi.
Yevrokomissiya rahbari Ursula fon der Layen Twitter’da YI G7 mamlakatlari bilan birgalikda narxning yuqori chegarasini joriy qilayotganini bildirdi.
“G7 bilan birgalikda biz Rossiyani daromaddan mahrum qilib, bu mahsulotlarga yuqori narxlarni joriy qilmoqdamiz. Lekin global energiya bozorlarining barqarorligini ta’minlaymiz”, — dedi u.
Uning postida narx chegarasining aniq miqdori haqida ma’lumot berilmagan.
Rossiyadan neft mahsulotlari uchun cheklovlar 5-fevraldan kuchga kiradi. O‘tgan yilning 5-dekabridan boshlab Rossiya neftining bir barreli uchun 60 dollar darajasidagi narx chegarasi allaqachon ishlay boshlagan.
Avvalroq Rossiya rasmiylari neft va neft mahsulotlari cheklovlar joriy etgan mamlakatlarga yetkazib berilmasligini aytgan edi.
Izoh (0)