“Barselona” tarixda 6-marta La Liga birinchi davrasini 50 ochko bilan yakunladi. “Real” biror marta bu natijaga erishmagan

“Barselona” Ispaniya chempionatining dastlabki 19 turida 50 ochko jamg‘arishga erishdi.

Katalonlar o‘z tarixida oltinchi marta La Liga mavsumining birinchi davrasida 50 ochko jamg‘arishga muvaffaq bo‘ldi. Bundan avval jamoa 2008/09, 2010/11, 2012/13, 2013/14 va 2017/18-yilgi mavsumlarda ushbu natijaga erishgandi.

Shuningdek, “Atletiko” 2013/14 va 2020/21-yilgi mavsumlar birinchi davrasida ushbu dovonni zabt etgan. Primeraning boshqa klublari, xususan, eng ko‘p chempionlikka erishgan “Real” ham bu natijani qayd eta olmagan.

“Ko‘k-anorranglilar”dan tashqari joriy mavsum “Arsenal” va “Napoli” ham dastlabki 19 o‘yinda 50 ochkodan jamg‘arishga erishdi.