20-yanvar kuni “Daryo” internet-nashrida Uz Chasys MCHJ o‘tkazgan tenderda ishtirok etgan And Cargo Trans Service va Zafarbek Cargo Trans Servis korxonalari qarindoshlik aloqalari bilan bog‘langani haqida material e’lon qilingandi. Shundan so‘ng Uz Chasys korxonasi holatni tasdiqlab, tender yuzasidan tuzilgan shartnomani bekor qildi. “Daryo” kuzatuvlariga ko‘ra, bir-biriga afillangan ushbu korxonalar ishtirokidagi tenderlar hali ham davom etmoqda.
.jpg)
31-yanvar kuni transport vositalari qismlarini ishlab chiqarish bilan shug‘ullanuvchi Uz-Dong Won Co qo’shma korxonasi tashish va yetkazib berish xizmati uchun o‘tkazgan tender yakunlandi. Boshlang‘ich qiymati naq 1 milliard 1 million 600 ming so‘m bo‘lgan lotda yuqoridagi And Cargo Trans Service va Zafarbek Cargo Trans Servis MCHJlar ishtirok etgan.
Yakunda And Cargo Trans Service 100 ball bilan tenderni qo‘lga kiritdi. Shartnoma summasi — 1 milliard 77 million 800 ming so‘m.
.jpg)
.jpg)
Gap shundaki, ushbu ikki korxona ta’sischilari hisoblangan Ismanov Muxiddin Gulamjanovich va Ismanova Fatmaxon Igemberdiyevna 100 foiz ulush bilan afillangan shaxslar hisoblanadi. Ushbu tenderda “Davlat xaridlari to‘g‘risida”gi qonunning 14-moddasida (manfaatlar to‘qnashuvi) ko‘rsatilgan qonun talablari qo‘pol ravishda buzilgan.
“Daryo” muxbiri holat yuzasidan tadbirkorlar fikrini o‘rganish maqsadida ular bilan bog‘lanishga urindi. Ammo ko‘rsatilgan aloqa telefon raqamlaridan biri vaqtincha ish faoliyatida emas ekan. Ikkinchi raqamga qilingan qo‘ng‘iroqni ko‘targan shaxs adashib tushganimizni bildirdi.
Mas’ullardan ushbu tender natijalarini qayta ko‘rib chiqishni va bekor qilishni so‘raymiz.
Izoh (0)