Yagona interaktiv davlat xizmatlari portali orqali eski namunadagi haydovchilik guvohnomasini onlayn almashtirish imkonini beradigan xizmat faoliyatida nosozlik kuzatilayotgani haqida xabar qilingandi. Adliya vazirligi holatga munosabat bildirdi.
Qayd etilishicha, ushbu xizmatdan foydalanish jarayonida ayrim fuqarolarning eski namunadagi haydovchilik guvohnomalari to‘g‘risidagi ma’lumotlar YIDXPda aks etmayotgani sababli ariza rasmiylashtirishning imkoni bo‘lmagan.
Mazkur muammo haydovchilik guvohnomasi ma’lumotlariga jismoniy shaxsning shaxsiy identifikatsiya raqami (JSHSHIR) biriktirilmagani bilan bog‘liq.
“Holatni bartaraf etish bo‘yicha Adliya vazirligi va Ichki ishlar vazirligi mas’ul xodimlari tomonidan texnik-amaliy choralar ko‘rilmoqda”, — deyiladi xabarda.